Vil du bidra på Novemberkonferansen 2025?

Ein meir utforskande og praktisk skule er tenkt å bidra til betre læring, motivasjon og trivsel, og gjeld for alle elevar i heile opplæringsløpet. I år vier vi derfor Novemberkonferansen til dette temaet – og håper at mange lærarar, skuleleiarar, forskarar og andre "skulefolk" har lyst til å bidra med verkstad. Vi ønskjer bidrag frå både erfarne og "ferske" verkstadshaldarar – og verkstad som passar til alle trinn.

Vi ber om bidrag til verkstad på 80 minutt der tida hovudsakleg blir nytta til ein aktivitet, eller ein kombinasjon av presentasjon (maks 15-20 minutt), aktivitet og diskusjon. Vi legg vekt på at verkstadene må vere aktivitets- og/eller diskusjonsbaserte. Rene foredrag vil ikkje bli prioritert.

Verkstadene skal knytast opp mot konkrete læringskontekstar og matematiske tema.

I første omgang ønskjer vi:

• Skildring av noko som tema bidraget ditt høyrer til
• Forslag til tittel på verkstaden
• Ei kort skildring av verkstaden (cirka 200 - 300 ord)
• Presisering av målgruppe (småtrinn, mellomtrinn, ungdomstrinn, vidaregåande, alle)
• Maks talet på deltakarar
• Kort presentasjon av verkstadshaldar, med bilete

Alle som skal halde verkstad må vere førebudd på å gjennomføre verkstaden to gonger i løpet av konferansen. Dette for at så mange som mogleg skal få høve til å delta på det dei ønskjer.

Send inn forslaget ditt til konferanse@matematikksenteret.no innan 24. april 2025.

Kriterium

Vi får tilsendt fleire bidrag enn vi har plass til på Novemberkonferansen. Vi gjer derfor eit utval, basert på følgjande kriterium:

• Bidrag som i skildringa som er tydeleg knytt til eit av temaa beskrivne ovanfor
• Fordeling av bidrag til ulike skuletrin
• Fordeling mellom nye og erfarne verkstadshaldarar